Zertan datza?

Sokatiran, partaide ezberdinek osatutako bi taldek soka baten alde bietan jarrita, bakoitzak bere aldera tira egin behar du.

Kirolaren helburua adierazitako leku edo marka jakin batetik beste taldea pasaraztea da. Talde bakoitzean 8 pertsona izaten dira, euretariko batek taldea zuzentzen duelarik. Badira 4 pertsonaz osatutako taldeekin egiten diren lehiaketak ere.

Pisuaren arabera proba ezberdinak egoten dira, talde bakoitzeko partaideen pisuaren gehiketa kontuan hartuta. 560, 600, 640, 680 eta 720 kilogramotako kategoriak alde batetik, eta pisu librekoa bestetik.

Gaur egun mundu osoan praktikatzen den kirola dugu eta Nazioarteko Sokatira Federazioak Lur Gaineko eta Goma Gaineko munduko txapelketak antolatzen ditu bi urterik behin. Euskal Selekzioak ofizialtasuna du lehiaketa hauetan parte hartzeko.

Historia

Kirol honen jatorriari buruz iritzi ezberdinak daude. Denbora askoan euskal jatorria duen kirola dela esaten zen, baina Egiptoko tenplu batean aurkitutako margo batzuetan 3 gizonezko bi talde ageri dira soktiran. Txinan ere orain mende asko bazituzten soka joko batzuk. Beraz oso zaila da jatorri zehatza zein den jakitea.

Bitxikeriak

1900 eta 1920. urteen bitartean Olinpiar Jokoetako kirola izan zen.